A guerra das Gaitas en Galicia
Desde fai uns anos e a instancia da Real Banda de Gaitas de Ourense e o seu creador , cambiouse por completo a tradición folclórica galega , usando gaitas tipo escocés, o tambor tipo tambor de guerra escocés , e os traxes imitación dos escoceses .Vale ! é lexitimo , podemos ter bandas escocesas en Galicia ! , pero non subvencionadas polas Administracións e co título de Real , e ainda por riba facendonos pasar por Galego algo que é Escocés .
Moita xente protestou contra desta invasión pagada con fondos públicos !
Vou achegar algunha información máis neste post sobor deste problema :
Enlaces Relacionados :
( +pincha aquí ) Aula de Musica Tradicional Gomes Mouro
(+pincha aquí ) Para ler sobre todos estes enlaces da música tradicional
Carta do Museo do Pobo Galego ( padroado con gran lexitimidade ) :
Mércores 27-Xullo-2005
museo do pobo galego
Transcribimos pola súa trascendencia eiquí a recente nota de prensa emitida polo Museo do Pobo Galego, reclamando o respeto á tradición musical galega e denunciando a práctica de formas musicais contrarias a ela e o apoio que se lle presta dende institucións galegas. Esta carta foi tamén remitida en concreto ás Deputacións de Ourense e de Pontevedra.
O Museo do Pobo Galego reclama apoio para a música tradicional
Boletín de prensa do Museo do Pobo Galego.
O Padroado do Museo do Pobo Galego observa con preocupación a tendencia a promover con recursos públicos a introdución de formas de expresión musical que considera alleantes e prexudiciais para o patrimonio sonoro tradicional.
Nos últimos anos vénse practicando desde algunhas administracións unha política encamiñada a impulsar e difundir as chamadas bandas de gaitas, que están a introducir instrumentos, modos e ritmos importados, que pouco se compadecen co que é específico de Galicia.
Evidentemente, nada hai que opoñer á creación e á innovación neste ámbito, cando estas son o froito da investigación e da evolución dunha tradición enxebre e arraigada no pobo. Mais non se pode ficar indiferente cando aqueles elementos importados, amparados por organismos públicos e apoiados nunhas prácticas formativas alleantes, van desprazando inexorablemente o que é xenuíno e representativo da nosa tradición.
A convención para a salvagarda do patrimonio cultural inmaterial, adoptada pola UNESCO, recoñece "a importancia que reviste o patrimonio cultural inmaterial, crisol da diversidade cultural", e propugna a súa salvagarda mediante "a identificación, documentación, investigación, preservación, protección, promoción, valorización, transmisión (basicamente a través da ensinanza formal e non formal) e revitalización deste patrimonio nos seus distintos aspectos".
As tradicións musicais son un dos compoñentes principais dese patrimonio intanxible, que forma parte do herdo universal da humanidade. A música tradicional e os seus instrumentos son portadores de fondos valores culturais e espirituais de civilización, e transmisores de coñecemento.
Con estas consideracións, e en cumprimento dos obxectivos definidos nos seus Estatutos, o Padroado do Museo do Pobo Galego dirixiuse aos organismos comprometidos coa preservación do patrimonio tanxible e intanxible instando o rexeitamento das prácticas deturpadoras da herdanza cultural do noso pobo e o apoio efectivo ás entidades que se dedican á investigación, estudo e difusión deste acervo patrimonial, consonte o establecido no art. 65 da lei 8/1995 de Patrimonio cultural de Galicia.
Museo do Pobo GalegoSan Domingos de Bonaval · 15703 Santiago de Compostela
T 981 583620 - F 981 554840 - correo e.: museodopobo@interb
posted by O Páramo at 3:54 p. m.
0 comments
